Cam Pedwar: Cyflwynwch Ef!
Y pedwerydd cam, a'r olaf, yw Cyflwynwch Ef!
Yn rhan olaf y llyfr gwaith, bydd y plant yn cynllunio, ysgrifennu a rhoi cyflwyniad gwerthu i rywun yn eu cartref. Byddant yn dysgu sut i berswadio buddsoddwyr i gredu yn eu busnes mewn 60 eiliad ar y mwyaf, gan ddatblygu eu hyder a'u sgiliau perswadio.
Gofynnwch i'r plant fyfyrio ar gamau blaenorol y prosiect a dod â phob cam at ei gilydd i greu'r cyflwyniad gwerthu - gofynnwch iddynt siarad am yr hyn sy'n gwneud eu busnes yn unigryw a pham y gwnaethant ei ddewis. Gofynnwch iddynt siarad am eu costau (dweud eu bod nhw wedi dechrau gyda phapur pumpunt, sôn am faint o arian y gwnaethant ei wario i greu eu cynnyrch a faint o arian maen nhw'n credu y byddant yn ei wneud o werthiannau) a pham maen nhw'n hyderus y bydd eu cynnyrch neu wasanaeth yn boblogaidd gyda'u cwsmeriaid - a yw'n rhywbeth sydd ar goll o'r farchnad neu'n rhywbeth a fydd yn cael effaith ar eu cymuned?
Mae'r ddalen awgrymiadau da a'r llyfr gwaith yn cynnwys digonedd o awgrymiadau ar gyfer beth i'w gynnwys a sut i roi'r cyflwyniad gwerthu.
Yr hyn y bydd eich plant yn ei wneud
- Paratoi a rhoi eu cyflwyniad gwerthu
Adnoddau ar gyfer Cyflwynwch Ef!
Tystysgrif
Ar ddiwedd y llyfr gwaith, gall y plant ddefnyddio Rhestr Wirio'r Her Bumpunt DIY i wneud yn siŵr eu bod wedi cwblhau popeth.
Pan fyddant wedi gwneud hynny, gallant ychwanegu eu henw at ein Tystysgrif Her Bumpunt DIY sy'n dathlu eu cyflawniad ac yn rhestru'r sgiliau maen nhw wedi helpu i'w datblygu ar hyd y prosiect.
Arolwg
Pan fydd y cyfranogwyr wedi cwblhau'r Her Bumpunt DIY, hoffem gael eich barn am effaith y prosiect. Gofynnir i chi neilltuo ychydig funudau i gwblhau ein Harolwg.